多仔(女)公林盛斌(Bob)噚日38歲生日，約埋成班藝人慶祝。平時飲醉酒見人就錫嘅Bob，試過狂咀梁烈唯，又試過喺錢國偉婚宴上失控，辣㷫陳小春，俾小春喺台上追打(新聞連結： http://bit.ly/2k5IcBq )。

不過喺生日P張相中，身為壽星公嘅Bob，坐定定同其他藝人影合照，仲俾三哥苗僑偉同麥美恩迫佢食蛋糕。身邊仲有三嫂戚美珍、黃翠如、洪永城、許紹雄同陳凱琳等。

Bob難得坐定定、正正經經影相，反而出名爛玩嘅麥美恩，成面蛋糕cream追住陳凱琳喪咀，忽然俾人強吻嘅陳凱琳，隨即還擊，嚟手一巴掃過去，就係咁，KO咗「先撩者X」嘅麥美恩。陳凱琳之後喺IG留言話「No loser, but no winner either！」攞番個尾彩。