【由拜金女開始】拍子華神爆化學作用 蔡少芬玩陰險跑出冇得輸

蘋果日報 2017/09/25 00:01

棟篤神探妙手仁心少芬洛神
    蔡少芬於1991年參選港姐，並奪得當屆季軍，其後順利加入娛樂圈，雖然佢入行時先得嗰17歲，不過翌年起參演電視劇，已經獲得不少好評。佢從影以來，先後喺中港台等地，拍過約50套劇集，經典角色當然唔少，家陣就回顧一下。
    好似喺早排先重播完嘅《天地豪情》咁，佢演嘅空姐孫樺（Diana），周旋喺程家雄同甘量宏之間，佢由拜金女變到後來有情有義，中間都好考演技。另一套又係早排重播過嘅《妙手仁心》，佢喺入面演急症室醫生Jackie，同程至美（吳啟華飾）之間嗰段感情已經好吸引，點知到後來仲因為患上動靜脈血管畸型，做完大手術諗住雨過天晴，點知到第二輯因意外去世，成條感情線，真係睇到心都噏埋。
    至於佢喺《創世紀》同《創世紀II之天地有情》中演嘅田寧，先後同3位男主角羅嘉良、郭晉安同古天樂有感情戲，劇情更安排佢被馬德鐘強姦、又被古天樂掌摑同毆打，演技差少少都carry唔到。
    蔡少芬演古裝都真係好得，好似喺《洛神》中演嘅甄宓，佢係陳豪飾演嘅曹丕嘅，但又同「叔仔」曹植（馬浚偉飾）有愛意咁，關係其實有啲亂，不過入面講到人性、又有姊妹反目等劇情，內心戲好多吓。
    另一套蔡少芬演嘅古裝劇《金枝慾孽貳》，佢演嘅湘菱嬤嬤，雖然唔係妃嬪，但係戲份一樣勁搶，佢係六阿哥嘅奶媽之一，同老公巴察大人（何啟南）有名無實，又互相利用，就算係好朋友楊梓軒（曹永廉飾），佢都係要利用對方，變咗全程都係要玩心理戰，睇到好攰。
    其實蔡少芬做笑片都有一手，最出名係佢拍住黃子華演《棟篤神探》，子華神嘅搞笑功力唔使諗都知勁，但平日演正經角色多嘅蔡少芬，撞上子華神後擦出不一樣嘅火花，兩人喺劇中由鬥氣冤家互相整蠱，到後來共墮愛河變未婚夫妻，觀眾跟住佢哋一齊笑一齊感動，係經典作之一。
    喺蔡少芬參演嘅電視劇中，有七成都係大台作品，觀眾印象較深刻都係正常，但近年北上搵「人仔」嘅佢，憑住2011年劇集《後宮甄嬛傳》中飾演雍正皇后烏拉那拉·宜修，表面母儀天下，實情內心陰險，對所有懷龍種嘅妃嬪都視為敵人，極度重視自己地位。可惜最後遭甄嬛設計陷害，最後更受刺激暴斃。蔡少芬喺此劇嘅演技大受好評，更令佢喺大陸人氣急升，劇中對白又成為大陸潮語，氣勢唔講得笑。
    其實蔡少芬演過嘅經典角色唔止呢啲，仲有好多未能盡錄……
    empty
    （資料圖片）
    empty
    蔡少芬喺《天地豪情》做拜金女，做空姐釣金龜。（劇照）
    empty
    呢一幕甘量宏去接Diana放工冧女嘅劇情，應該好多人仲記得。（《天地豪情》電視畫面）
    empty
    《妙手仁心》個醫生Jackie記憶猶新（劇照）
    empty
    喺《創世紀II天地有情》中，蔡少芬同古天樂係一對。
    empty
    （《創世紀II天地有情》電視畫面）
    empty
    蔡少芬同馬浚偉合作多次，其中一套係《勇往直前》。（劇照）
    empty
    轉個頭，蔡少芬就變咗陀槍師姐。（《陀槍師姐III》劇照）
    empty
    （《陀槍師姐III》劇照）
    empty
    喺《棟篤神探》中，唐文龍力追蔡少芬，當中都有唔少笑話。（劇照）
    empty
    《洛神》個扮相真係好得！（劇照）
    empty
    主力當然係子華神身上（《棟篤神探》劇照）
    empty
    一聽到莫探員同女長人互相稱呼整蠱，真係會心笑出嚟。（《棟篤神探》劇照）
    empty
    喺《珠光寶氣》中，蔡少芬要捱打…（劇照）
    empty
    《飛女正傳》劇照
    empty
    喺《金枝慾孽貳》，蔡少芬（右）同鄧萃雯有唔少對手戲。（劇照）
    empty
    蔡少芬個古裝扮相獲好評（《金枝慾孽貳》劇照）
    empty
    （《金枝慾孽貳》劇照）
    empty
    （《金枝慾孽貳》劇照）
    empty
    仲有《勝者為王》，套劇有張智霖㖭！
    empty
    去到《後宮甄嬛傳》，刺激到蔡少芬人氣再闖高峰。（劇照）
    empty
    蔡少芬都有拍過亞視劇，圖為《上海灘之俠醫傳奇》劇照。
    empty
    （《上海灘之俠醫傳奇》劇照）