隔牆有耳：梁志祥呵番葉劉
「神獸撞完行大運」 - 李八方
蘋果日報 2015/02/25 00:00
可能新年期間剝得瓜子太多有啲厭，唔少政界中人近期轉晒口味走去剝花生，好在因為葉劉被麒麟飛撞後嘅花生，食極都唔肥，反而越剝越興奮。自由黨噚日全黨變身花生友，喺新年團拜自隊麒麟啤抽水贈興；民建聯梁志祥都唔執輸講兩嘴抽吓水，但佢同主流花生意見唔多同，認為被麒麟撞意味獲神獸保護，話葉劉嚟緊一年實行大運。
自由黨噚日中午搞傳媒新春團拜，席間話題離唔開新民黨主席葉劉淑儀初二被舞麒麟「撞飛」。啱啱外遊返港嘅田北俊，似乎好留意事態發展，笑笑口話事發後私下問過一啲鄉紳，係咪真係咁巧合？點知一個都唔覆，唔通係有難言之忍？
自由黨噚日中午搞傳媒新春團拜，席間話題離唔開新民黨主席葉劉淑儀初二被舞麒麟「撞飛」。啱啱外遊返港嘅田北俊，似乎好留意事態發展，笑笑口話事發後私下問過一啲鄉紳，係咪真係咁巧合？點知一個都唔覆，唔通係有難言之忍？
田少團拜 隊麒麟啤抽水
成班自由黨中人越講越興起，欲罷不能，青年團成員見現場情緒高漲，嗱嗱臨去買咗啲麒麟啤返嚟，同現場記者飲番杯贈興。
而繼葛珮帆早排寸葉劉唔熟鄉情、唔識企位搞到俾麒麟撞飛後，民建聯梁志祥噚日同傳媒聚會亦講埋一份，但佢同曾經話葉劉今年好「黑仔」嘅玄學家麥玲玲唱反調，話根據圍村傳說，麒麟屬神獸，平日唔會出嚟同人接觸，一般鄉村人都話麒麟係怕人，強調「麒麟今次同葉太接觸，即係葉劉得到神獸嘅關顧，係大運嚟㗎，麒麟肯守護佢先會接觸佢」。佢之後再補充，神獸平日無人會掂、鄉村舞麒麟都唔會有人摸，「所以葉劉今次係得到麒麟神獸嘅守護，呢一年都會行好運㗎」。得到梁志祥「安撫」，相信葉劉唔會再嬲嬲豬啦！
而繼葛珮帆早排寸葉劉唔熟鄉情、唔識企位搞到俾麒麟撞飛後，民建聯梁志祥噚日同傳媒聚會亦講埋一份，但佢同曾經話葉劉今年好「黑仔」嘅玄學家麥玲玲唱反調，話根據圍村傳說，麒麟屬神獸，平日唔會出嚟同人接觸，一般鄉村人都話麒麟係怕人，強調「麒麟今次同葉太接觸，即係葉劉得到神獸嘅關顧，係大運嚟㗎，麒麟肯守護佢先會接觸佢」。佢之後再補充，神獸平日無人會掂、鄉村舞麒麟都唔會有人摸，「所以葉劉今次係得到麒麟神獸嘅守護，呢一年都會行好運㗎」。得到梁志祥「安撫」，相信葉劉唔會再嬲嬲豬啦！
自由黨團拜講到葉劉，青年團成員即刻去買麒麟啤，飲番杯贈興。