老牌本港澳洲籍騎師柏寶，今季仍未開齋，相信佢自己都好心急，適逢本周六（23日）係佢自己40歲生日，當然希望在今晚（20日）谷草賽事能夠打開勝門，兼替自己預祝生日。

今戰柏寶座騎中，「笑眼光」及「白玉凱旋」均剛於季內跑入前四名，近績可靠，有力替騎者慶生。其中第三場五班1800米，李易達馬房之「白玉凱旋」在今季谷草開鑼戰，首次跌破30分出賽，結果即跑得第四，可見目前評分已有反彈餘地。

柏寶指此駒前季及上季，都係熱身一仗後，再出分別贏馬及入位，加上自己上周六為此駒親操一課，馬兒狀態理想，所以相信今仗「白玉凱旋」有一定機會重開勝門。