林雅詩2015年經歷失婚，老公溫文英有婚外情離婚收場，其後與經理人馬天樂拍拖，早前竟爆出馬天樂與助手Ana有染，驚爆二人已育有一子，情路坎坷的林雅詩一度陷入情緒崩潰，疑自殘發洩，上月林雅詩出席活動時手腕以黑色護腕包裹着。

事隔一個月，林雅詩今日在尖沙嘴出席慈善活動慶祝父親節，見她刻意身穿長袖外套遮掩手腕，不過其精神狀況比之前佳，逐漸走出困局。提到今日是父親節，林雅詩指兒子並非跟前夫生活，她說：「今日兩父子未必見到面，但會再約，佢哋父子關係OK冇問題，盡量都會畀時間佢哋相處，自己有時間亦會參與。」

言談間林雅詩情緒較早前放輕鬆，對於前男友馬天樂搭上Ana這段三角關係，她說：「唔想再回應，事情發生後產生好多其他嘢，包括工作，之前嘅小三、女人都好，俾我知道好多唔好嘅嘢，希望個女人唔好再呃人，包括工作，例如好多做嘢方面嘅嘢安排左右處理唔到，好多圈中人都知道佢嘅工作態度。」

自從事件發生後，林雅詩已沒有再理會所屬電影公司事宜，並形容自己今日出關，想做好其他不同業務，包括幕前幕後經營時裝店以及英國留學生交流教育中心等，決意重新出發。林雅詩稱現時心情稍為平伏，她說：「之前好癲，好姊妹同親友都擔心我，今日趁住慈善活動出嚟，話畀大家聽唔使再擔心，如果話即刻好返晒都冇人信，要啲時間，希望快啲忘記唔開心嘅事。

林雅詩和馬天樂仍有的經理人合約即將期滿，問她會否希望劃清界線？她說：「要了解吓，撇除男女關係，個女做唔到嘢係另一件事，但馬生係OK，要重新考慮，自己都唔係太專注幕前，未必搵到食，反而緊張幕後工作。」現時她手上的傷勢已痊癒，並感激這段時間有兒子和親友陪伴渡過難關，她承認有段時間情緒波動，控制不到自己，現時已經好起來。

採訪：卓寶花
攝影：林賓尼

-----------------------------

打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新