現年41歲嘅韓國男星趙震雄於2004年出道，多年嚟拍攝過多部作品，近年最為人熟悉嘅就係韓劇《Signal》及韓片《下女誘罪》。趙震雄自去年拍完劇集《Entourage Korea》、電影《海冰》後就甚少公開露面，直到日前先喺好友鄭鍾哲的Instagram上露面，被網民發現佢又瘦咗，立即型仔不少！

185cm高嘅趙震雄，令佢睇起嚟較為壯碩，而佢亦曾經為作品增肥到272.8磅，不過喺拍完之後就立即減肥，透過減少食量，晚上6點後唔再食嘢，加上每日做運動，距離佢最肥時期，目前已經成功減咗66磅。據知如果作品需要，趙震雄會再繼續減肥同增肥，佢之前就自爆為拍攝韓片《海冰》而減咗近40磅。

趙震雄曾喺受訪時透露：「減重都係表現角色嘅方法之一，如果可以令角色更立體，身為演員應該盡全力做到。」而趙震雄日前喺友人IG現身時見瘦咗咁多，唔通又係為新片減肥？