導演王家衛與澤東電影公司工作人員前晚飛往法國,出席康城影展,宣傳電影《東邪西毒:終極版》,王家衛入閘時,被問起關於黃百鳴與他爭拍電影《一代宗師.葉問》,王家衛即返回閘口並炮轟黃百鳴:「我講埋最後一次,黃生打橫嚟講,顛倒是非。我唔係爭一個片名嘅合法性,而係人格同操守問題。」
王家衛續說:「我個戲名公佈咗好耐,點解佢又要用埋呢個名,佢有乜嘢目的呢,定係想魚目混珠?我覺得一齊拍唔係問題,因為葉問係一代宗師,唔單止有武術仲有武德,東方娛樂公司要學習吓。」昨日澤東電影發言人表示,黃百鳴曾表示一代宗師只是形容詞,不過現在他們確實用了一代宗師做片名,他這講法是強詞奪理,理據不通,之前電影發行協會有代表發表一番言論,支持黃百鳴,並覺得一代宗師並非專利,澤東方面認為是有人偏袒黃百鳴,因為黃百鳴是該會的理事。發言人又強調黃百鳴未有與他們開會談這事。