當年今日
關於我們

【記得上仗有幾勁嗎】田泰安要洗衰氣 靠晒一匹新勝馬

蘋果日報 2018/03/09 23:50

田泰安羅富全翔惑谷草試閘

毛里裘斯籍騎師田泰安上半季發展可算順風順水,唔少好馬如「五十五十」、「紅衣優駿」、「首映」等都變為佢嘅嫡系座騎,亦有姚本輝馬房鎮倉寶「有得威」重投佢懷抱,更會夥拍此駒遠征日本。
本來一切都美好,不過自從2月7日贏出「其樂無窮」、「放眼量」起孖後,田泰安就食足成個月白果,喺騎師龍虎榜已俾排第四之羅理雅追到氣咳,只係領先兩Win,相信田泰安好想重拾射門鞋,影番啲頭馬相威威。
其實今期(11日)田泰安出馬9匹機會絕對唔曳,其中他與練馬師羅富全季內合作近乎半數上名,最近3駒更全部殺入三甲,成績有保證。
今戰二人有一匹第九場三班1400米的「翔惑」夾檔,今晨(9日)谷草試閘期間,田泰安就搵新人王羅富全斟世界,相信除咗傾吓這朝試閘馬事宜外,亦會商討「翔惑」添食部署,睇番「翔惑」上仗同程1400米大勝2.75馬位,取得轉倉後首捷,看來羅富全已搵到此駒的訓練竅門,今仗班次、路程、配搭不變,6檔勝上仗11檔,負127磅亦不算重,當然是牌面馬啦!
empty
翔惑