先前本欄提出期權運用得宜可安心作戰，昨天便是一個活生生的例子。一個大挾倉，幸好已由期指轉期權，可保六成利潤，現在再搵位轉番期指，成本變了，下跌時可賺多點，上升時亦可蝕少點。當然如果可以前天平掉所有淡倉就更好，但作為淡友，怎會輕易改變立場！既要唔改立場又要減少注碼，就得運用認沽期權長倉。
我做好友時最驚美股大升，做淡友時則最驚美股大跌，因為這種大升大跌多預示短期轉勢，所以前兩日見美股大跌及恒指期貨於19933好淡爭持時，便將期指轉期權。現在明顯好友稍勝，因此19933這個位已不重要，套用我的老話「跌市莫追沽」，等反彈高位再沽。甚麼為之高？當日線圖遇到阻力時就為之高，相信這情況會出現於20400至20600左右，即20788至19933反彈的50至80%，昨日期指最高見20438，反彈達標，即將期權轉回期指，即市已嚐到甜頭。

美股料先升後跌

其實市場方向實在不太明朗，想升時就搵理由支持，想跌時搵原因打擊，升升跌跌都只不過幾百點，最緊要係睇上大人面色。當好友淡友都不知如何是好時，多數會出現上落市，加上昨晚又有美國房屋數據，又有投行業績，甚為混亂，筆者估房屋數據可能會比預期好或不過不失，因為近日經常有驚喜。相反，投行業績可能比預期差，始終投行業績容易人為控制，眼見金融改革衝着整個業界而來，為免惹人非議，相信亦不會交出一份亮麗的成績表。因此筆者會估美股昨晚先升後跌居多，且看會否開口中。
若果真如此，筆者會在美股收市前先沽美期，到港股開市後再找機會沽空期指。投資者可能會話又美期，又期權，又期指如此複雜！搵食艱難，以上的工具都未夠，還有債券、外滙等不同市場，全球一體化，無法喇！以現時形勢，一面倒的市況暫難出現。

張士佳
mailto:[email protected]