中美打緊仗嘅時刻，6月上任香港友好協進會會長嘅全國政協常委唐英年，原來即將帶70人代表團訪京。由唐唐率領嘅香港友好協進會訪問團本周四、五訪京，榮譽團長同榮譽顧問分別係中聯辦主任王志民同中聯辦副主任譚鐵牛，團員包括人大、政協，以及中華海外聯誼會理事，據知訪問團會拜會全國人大常委會、全國政協辦公廳、統戰部、港澳辦同文化及旅遊部等。

團長唐唐話呀，今年係國家改革開放40周年，此行訪京別具意義，會積極擁護三個堅持：堅持國家改革開放，堅持國家喺新時代、新形勢下作出新部署，以及堅持維護愛國愛港嘅堅定力量。佢話會向國家機關介紹協進會未來工作，包括繼續團結會員關心國事、參政議政等，當然唔少得繼續推動「一帶一路」同大灣區建設，會繼續做好會員服務同推進青少年教育工作，希望集思廣益下，做到更到位、更接地氣同更貼近民心。

適逢華為爆發大災難，唔知此行近70名主要係人大同政協代表嘅團友，有冇好橋獻畀習大大呢？