【班crew有人情味】拍劇辛苦之餘又快樂 森美:高層對我唔錯
森美黃翠如萬歲
森美今日去到將軍澳出席活動,雖然打緊3號風球,森美繼續工作,佢仲話嚟緊周日「山竹」吹到正,當日已經接咗個婚禮司儀工作,佢笑住話:「我已經諗定,真係打風都打唔甩,8號風球我都會照去。」最近森美忙緊拍攝劇集《過街英雄》,同黃翠如合作,佢大讚翠如靚女又乖女,仲成日萬歲請食嘢,森美話:「佢拍得好辛苦,04收工,06又要開工,冇得瞓,佢好好,成日萬歲,搞到我咁孤寒都唔好意思,要同大家萬歲吓。」佢仲話睇好翠如同蕭正楠呢一對。
提到拍劇,森美就話:「工作量係辛苦㗎,因為要兼顧電台工作,但過程係快樂,最有人情味係班crew。」咁高層有冇人情味?森美即刻話:「我唔知!高層對我唔錯嘅。」問到有指TVB連《都市閒情》都要摺埋,《TVB周刊》亦將停刊,森美話:「好惋惜。《都市閒情》我由細睇到大,我好鍾意睇婦女節目,有好多知識,當時hit乜就會做乜,好適合求知慾強嘅年輕人睇,不過呢個係大勢所趨,依家係網上世界,紙媒萎縮,希望紙媒可以用番啲人做網上媒體,咁樣轉型就最好啦。」
精選娛聞,喺晒《娛果》
http://fb.com/appledailyent
森美話拍劇又要兼顧做電台,雖然係辛苦,不過拍得好開心。