【本報訊】九倉撤出有線寬頻，反映電子傳媒行業困境。浸大新聞系助理教授杜耀明分析，接連有電子傳媒結業，除了連年虧損，亦可能是政治壓力太大。有份協助有線設立24小時新聞頻道的資深傳媒人指，有線要起死回生需重組架構。
該資深傳媒人建議有線保留巿民信賴的新聞台，以及有一定觀眾的娛樂台，「好似𠵱家個電影台，仲播埋啲史泰龍Rambo（《第一滴血》）啲戲，仲邊有人睇？」他又批評政府廣播政策不斷設限，阻止有意參與電視業務的投資者入局，「投資者都未入場，就列出條例樣樣都唔得，咁點做呀？」資訊科技界議員莫乃光質疑，港府過份介入電視發牌，認為應全面開放市場、減少監管。

學者：財務政治雙重壓力

中大新聞與傳播學院院長馮應謙指，如果有線電視結業後以奇妙電視取代，對傳媒生態並無特別改變，相信日後奇妙電視可吸納原本有線觀眾。
過去一年，亞視停播、ViuTV開台不久即收視回落、香港數碼廣播有限公司（DBC）及新城電台交還數碼聲音廣播牌照。杜耀明認為廣播機構面臨財務和政治雙重壓力，「既然又賺唔到錢，又可能隨時俾人囉嗦嘅，咁搞嚟做乜箒？」他指電子傳媒受政府規管，特首和行政會議掌控發牌權力，「想搞嘅人搞唔到，搞緊嘅人喺現有規矩搞，唔能夠好破格」。他以亞視低成本製作清談節目《龍門陣》為例，即使有高收視仍因政治壓力停播。
他慨嘆過往香港財團委託信任的人自由經營傳媒機構，現時連財團亦撤出傳媒業，或意味行業境況再退步，「大集團老細都覺得自己不勝重任，仲有乜嘢人搞？可能更多大陸有背景嘅人搞囉！」
■記者潘柏林、蔡朗清