拍啤酒廣告成名的莫竣名（Louis），兩年前任ViuTV節目主持備受關注，在今年7月卻突然在幕前消失了。事隔兩個月，Louis在Ig稱回復自由身，並聲稱決意做回自己，對於這場持續已逾半年的抗爭運動，Louis坦言：「一旦放棄，所有嘅努力只會白費，香港只會淪為一個沒有自由嘅鳥籠。」
撰文：唐琛悠
攝影：沈健程

模特兒出身的莫竣名日前接受《蘋果》訪問，對於與模特兒公司解約原因，坦言不會多談，現階段為自己在娛樂圈工作重新編排的同時，仍然為抗爭發聲，言談間這些日子發生了一些事，令他有很大的感觸，更加要決心行落去，他說：「如果要話呢個係一個轉變，我會話我只係做返真正嘅自己，其實我喺7月左右已經一直冇收入，愛貓mimi之前又確診淋巴癌，醫佢用咗差唔多十萬，不過最後佢都離開咗，一切都好似好差，但係我喺mimi身上學識咗一樣嘢，就係『堅強』。」

最低傷亡

Louis續說：「香港人面對住今時今日嘅困境更加要堅強地走下去，要記住有多少個手足因為呢個政權而失去自由、傷殘，甚至失去生命。一旦放棄，所有嘅努力只會白費，香港只會淪為一個沒有自由嘅鳥籠。」

為了對抗爭者作出支持，Louis曾表示會罷工到今年12月31日為止，他說：「其實喺我啱啱恢復自由身嘅時候，已經同ViuTV傾好咗來年初嘅一啲新節目拍攝。除此之外，其他嘅廣告工作都一律推晒。雖然我影響力唔係好大，但都希望可以推動到多啲人參與罷工。罷工唔只係發聲，更係和理非可以做到最低傷亡、最有成效嘅實際行動。如果再唔行動，連唱歌嗌口號嘅權利都只會慢慢消失，正如早前有揸保時捷嘅司機播《願榮光歸香港》都被強行拉落車拘捕。」

「新亞精神」

至於會否因失去工作而感到後悔？Louis說：「首先我認為呢個係一個偽前提（命題），因為一定唔會冇晒工作，尤其係喺香港呢個充滿機會嘅地方。同埋即使賺少咗錢又如何？手足連命都冇埋，我憑乜嘢後悔？」作為香港人和一個中大舊生，Louis引述《新亞校歌》說：「光復香港，時代革命。『手空空，無一物，路遙遙，無止境。亂離中，流浪裏，餓我體膚勞我精。艱險我奮進，困乏我多情。千斤擔子兩肩挑，趁青春，結隊向前行。珍重，珍重，這是我新亞精神。』」