有「小劉嘉玲」之稱嘅鄺文珣，06年下嫁製衣商人應德榮（Andrew）後，淡出娛樂圈，現已成為兩子之母，分別係8歲大仔家澄同6歲細仔家泊。今年4月，42歲嘅文珣宣佈再度懷孕，已有兩子嘅佢，當時都講咗話想生女(新聞連結： http://bit.ly/2h6JrVa )，日前文珣就喺微博分享咗佢嘅孕照，同大家玩一個競猜遊戲，叫大家估吓佢係陀仔定陀女，今日文珣終於公佈咗BB嘅性別，登…登…登…就係陀女呀！恭喜晒！

有說「懷孕嘅女人係特別靚」，文珣嘅孕照依然充滿少女味，文珣表示：「卸貨倒數中，很高興我的小麵粉就快出來和大家見面啦！這段懷著她的日子的確不容易過，可是可以再次成為媽媽的喜悅勝過了一切，她的來臨也讓我們的家庭多了一個『好』字，願這個『好』也同時蒞臨到大家。感恩和感謝大家一直以來的關心和支持。」據知，文珣頭兩胎都冇影過孕照，今次就試下影孕照。而文珣嘅BB預產期本來係10月，但有指佢之前見醫生，醫生話BB個頭已經轉低，相信BB都會提早同大家見面。

想隨時獲得更多親子資訊，快啲like Easy PaMa Facebook啦！
https://goo.gl/1qWM8g