由韓國男星朴敘俊跟女星朴敏英合作嘅tvN人氣韓劇《金秘書為何那樣》現時喺各地都人氣高企，港劇迷亦可以喺亞視觀看，噚晚《金秘書》播出第七集，《金秘書》未受世界盃影響收視，噚晚一集仍保持7%收視紀錄，有7.281%收視。

噚晚一集承接上集，朴敏英喺朴敘俊家中發現自己嘅履歷，係咁多應徵者履歷最差嘅一人，佢問朴敘俊點解揀自己，係唔係一早就識自己，但朴敘俊就否認，仲解釋話因為佢履歷最差島揀佢，因為太叻嘅人唔會撐得落去。

朴敏英同朴敘俊嘅哥哥李泰煥為咗搵返細個記憶，近日密密約會，雖然朴敘俊阻止，但卻唔成功，又見到朴敏英同李泰煥好親熱，即時勁呷醋。當送朴敏英返屋企時，朴敘俊就再次同朴敏英求婚，仲話：「之前我想抓住金秘書，不過0依家係真心，我哋唔好再曖昧，開始戀愛吧！」不過朴敏英就拒絕朴敘俊要求，指朴敘俊求婚係因為嫉妒，朴敘俊則指自己被朴敏英成日拒絕。

朴敘俊為咗令朴敏英唔好成日同英俊見面，決定同公司嘅同事出去玩，仲強調自己唔係因為衝動同嫉妒先告白，仲話一定要同朴敏英成為戀人。而突然落起雨來，朴敘俊體貼除外套為朴敏英擋雨，仲念念有詞話如果感冒就弊，朴敏英話自己身體好好，朴敘俊卻話：「我講緊我，感冒了點算！」

此時朴敏英見到蜘蛛大叫起來，朴敘俊突然拎出糖𠱁佢，令朴敏英又想起細個時嗰位哥哥都係咁樣𠱁自己。朴敏英向朴敘俊講細個時自己被誘拐時門口有隻大蜘蛛，令佢有咗蜘蛛恐懼症。朴敘俊就勸朴敏英有些事過咗去就要學識遺忘，再想返只會令自己痛苦，朴敏英就希望朴敘俊唔好討厭李泰煥，朴敘俊就承諾會守護朴敏英，叫佢想做就去做。

下集預告，之前朴敘俊同朴敏英嘅初吻唔成功，今晚呢一集佢就想同朴敏英咀嘴，仲不斷練習，唔知今晚呢一集佢成唔成功咀到朴敏英呢？

精選韓流，喺晒《娛果》
http://fb.com/appledailyent