阮民安（Tommy）前日現身荃葵青區，身穿黑雨褸參與遊行，堅持風雨不改走出來，斥特首不回應民間五大訴求、社會更出現許多白色恐怖，希望港人能團結，不要因金錢利益而妥協。

Tommy仔今日凌晨在FB撰文《我很窮，我愛人民幣，但我更愛香港》，他指自己一開始關注抗爭運動之後，有人揶揄他博翻身，又有人寸他「冇嘢輸」，連回大陸賺錢的資格都沒有，不過Tommy仔認為：「咁我覺得今次支持運動嘅重點，絕對唔會係放喺自己嘅感受呢個點度，所以我一路都冇擺喺心，繼續發聲、繼續每一刻都關注，身體力行支持！」

他稱未想到昨天卻發生一些變化，忽然有一班大陸網民在他的FB截圖，放到他老婆Eva的微博，稱他們是支持港獨，用言語攻擊他們，Tommy仔決定一次過在FB回應此事，說出心底話，他稱自從2012年開始，便擔任Eva經理人的角色，在幕後為她打點一切，這7年來他們由兩個個體變成一家四口，營營役役將他們的生意，利用網路（絡）平台擴展到世界不同地方，包括日本、台灣、新加坡、馬來西亞、美國及大陸等，Eva的微博有25萬followers，於大陸有不少工作機會，工作範圍包括為產品出post宣傳、時裝騷、做電視台嘉賓、拍綜藝節目云云，只要他們繼續好好做，只靠工作養活一家人並不難，他們亦可以選擇「唔好講咁多嘢」。

他自揭在9月14日將推出EVA自家品牌：「正正嚟緊嘅9月14號，我哋自己第一次投資，EVA自家品牌就會喺東京Laforet正式發佈，之後會全世界發行，最大嘅入貨地區一定喺大陸，而我哋喺大陸處理品牌發行嘅負責人，係一個大陸最大嘅時裝公司高層（佢公司係帶頭將Undercover全國下架），我哋喺大陸嘅backup其實好好！而因為我上年開始做番好多幕前工作，佢已經話要幫我安排上大陸嘅綜藝節目，但就唔好喺件事上面表任何態啦，以一個大家認為想翻身嘅我，理應乖乖收聲，甚至表態愛國！」

直至6月9日大遊行，Tommy仔見港人團結，他忍不住開始公開表態支持，之後6.12、7.1、7.21等事件，反問網民知否「高調發聲後將會損失啲咩」，他坦言可能會失去龐大的大陸市場：「咁點解我要咁做？可能係蠢……但其實，係良知！香港而家發生咁大件不公平不公義嘅事，要我為咗賺錢而選擇扮不見不聞，甚至跪低表態愛國，支持警察打香港人，做甚麼護旗手，對唔住，我做唔到！當然對比起每一個手足受傷、犧牲、被捕，都係嗰句，我呢啲損失，算得咩！香港地靠我哋自己都一定可以撐得翻起自己，點解一定要靠大陸，我哋先搵到食，先做到生意，先搵到錢？我唔認為係咁！」最後Tommy仔再次強調在雞蛋與高牆之間，他一定站在雞蛋那邊，跟港人說聲加油。

不少網民讚他是良心藝人，有網民回覆：「以前不認識你，只知道你好MK，現在真心想認識你，仔細看你每一個字。你未必會是大紅大紫的明星，但我哋一定記得你係一個走出來愛香港嘅artist。感謝你。」
------------------------------
【每周送10萬】
升級壹會員獨家尊享，立即參加10萬火急大抽獎 !
*推廣生意的競賽牌照號碼：52302-9