萬梓良嚟緊又有新戲上，要睇佢霸氣演出，要預好時間入場睇戲喇。

萬子過埋下個月生日就60歲，由以往嘅靚仔樣都變成中佬喇。可能觀眾近年太少見佢，見番佢都有啲意外，點解？因為佢身形真係脹咗好多。

萬子暴脹呢件事，仲引起咗觀眾關心，年初不斷有人翻炒呢件事。不過萬子好耐以前已經講過，因為遺傳性糖尿病要打胰島素，受影響而重咗30公斤，並唔係放縱飲食所致。15年萬子喺大陸登台，就話食緊中藥調理、跑步做運動，控制番病情，血糖指數由15點幾回落到9點幾。

其實萬子已經有晒退休計畫，佢上年喺《 今晚打喪屍》煞科宴時講過，因為病情同健康原本，劇組對佢好體諒，亦準備喺60歲後就退休，轉做幕後工作。