曾是胡校長下屬的聖公會聖三一堂文員王小姐，指收到胡校長病重消息後「個心拿住，好唔舒服」，故特意前來探望，又指他雖能坐起來，惟神智已不清醒。談到胡校長為人，王直言胡「好好笑、好開朗」，形容他為人和藹可親，完全無架子。

王又分享當年胡校長如何幫助她，指其兒子當年會考成績不佳，胡校長特意幫忙，又相約其兒子傾談，鼓勵他升學，「佢同我仔仔講，其實唔一定要讀中六、讀大學先可以讀到書，仲鼓勵佢去咗讀IVE，後尾我仔仔因為校長嘅鼓勵搵番讀書信心，仲搵到自己嘅理想，依家工作都好開心」，王又指當年胡校長更為其本來不是就讀聖三一堂的兒子提供中五重讀學位，「校長想等佢成績好啲再去第度升學」，稱感激胡校長的幫忙，望有心人能捐肝。

聖公會聖三一堂現任校長及校監亦有前來採望胡文明校長。現任校長陳倩君指雖未曾與胡校長合作，惟胡校長為人親切，是一個好好的長者，「當年我接任時，佢都有番嚟學校同我傾計，畀咗少少意見」。陳又指胡建構校內關愛文化，「成間學校個文化好強嘅在於人情味，當年過年過節或同事放工都會食吓飯，唔係就咁返屋企，呢份人情味，就係由胡校長建立」，指不少畢業生仍記掛學校，稱胡校長是名出色的校長。