當年今日
關於我們

【爭逐港區人大】鄺美雲挾范太馬逢國提名尋求「祝福」:阿姐話咗會投我票

蘋果日報 2017/12/01 17:24

汪明荃鄺美雲人大政協報名港區人大人代表

「我好開心,因為可以服務。希望用生命影響生命。我今次係從通情達利,希望可以將香港嘅聲音,帶去國家嘅層面,亦可以將國內政策帶俾香港人知道。好希望可以多啲溝通,同埋我哋香港嘅學生亦都可以做好多嘅服務學習啦,同埋交流,同國內嘅學生可以多啲互動,令到大家能夠更加了解兩地。
「我覺得我哋要堅持喺一個國家之下,然之後有兩制之利,等大家可以凝聚共識,令香港人可以和諧生活。」
你以為佢係邊個?
鄺美雲囉。
你以為鄺美雲講嘅「用生命影響生命」係指咩?動保?
唔係啦。
係港區全國人大代表報名。
今午,鄺美雲帶住380張提名票,到上環信德中心報名人參選港區人大。提名人包括馬逢國、范徐麗泰,同理大校長唐偉章。
鄺美雲係咩界別?「我屬於文化界。」
好啦,問鄺美雲有乜嘢想同中央講呢?佢諗咗一諗,成頭問號,問記者:「你意思係…」
鄺美雲嘅答案係:「現今呢個階段就係參選啦,個目標就係當選。咁當選就可以去進行跟住要做嘅工作。12月19日早上9點就係選舉日,希望當日多啲人投我票,多啲選委支持。」
所有選委對我嚟講都係好重要,因為每一張票都係好珍貴。
之前有記者問過鄺美雲,問佢係咪想學阿姐汪明荃咁從政,佢話阿姐係政協,情況唔同。但其實大家所指都係,阿姐都做過人大代表,之後先至做政協委員…
就咁嘅,之前鄺美雲開到聲,話希望得到大家嘅「祝福」。今日問番佢,想唔想得到阿姐祝福?佢話:「阿姐係我哋文化界嘅主席,佢係俾好大支持,同關心我,好多謝佢。佢應該會投我票,我哋都係文化界,佢話咗會投我票。」
依家鄺美雲稱要開始「選舉工程」,真係當真咁做……噢sorry,係真嘅,報名係真嘅,張票(紙)都係真嘅,地點都係真嘅。有咩唔係真?你話呢?
empty
(攝影:陳慧安)
empty
鄺美雲今日到上環信德中心報名人參選港區人大。
empty
有380張提名票。
empty
有冇汪阿姐影子?
empty
empty
馬逢國有份提名鄺美雲。(資料圖片)
empty
范徐麗泰都有份。(資料圖片)
empty
(資料圖片)