記者根據阿蛋借據上秀茂坪的住宅地址上門拍門，發現阿蛋連屋企人都呃，據應門自稱其胞兄的男士表示， 經常有債主上門追債，黑社會及警察亦不時上門，令家人十分困擾，不得安寧，年紀老邁的父母已對這個孻仔極度失望，阿蛋經常以生意失敗為藉口，不但連父母棺材老本也一借無回頭，就連親兄亦曾賣樓套現百萬予胞弟生意周轉，「點知就原來全部都係大炮嚟嘅，跟住佢就失咗蹤喇。」阿蛋兄長嘆謂，坦言已經與這位「好兒子、好細佬」斷絕關係，不會再負責任，「蘇州屎叫佢自己搞掂返。」

眼前與阿蛋長相有幾分相似的男士自稱是他的二哥，劈頭就表示已經數年沒有和他聯絡，亦不知有什麼方法可以找到他，因為經常有陌生人上門找阿蛋追債關係，已對家裡造成困擾，特別是父母年紀老邁，約七十歲，而且又有高血壓，
擔心「嚇親兩位老人家」，對於阿蛋將老父老母居住地址寫在欠單上，胞兄坦言已經對這個細佬很失望。

「講咗唔可以畀佢返入嚟呢間屋」，親兄態度堅決，全因阿蛋抿滅人性，十多年來不停「車大炮」，以各式各樣藉口向父母及兄長苛索金錢，由於家中四兄弟中，阿蛋是孻仔，家中各人「最錫係佢」，因此每次盡量幫得就幫，據胞兄所述，父母棺材本已被阿蛋散盡，就連他自己，多年前也為了弟弟賣掉牛頭角寓所替他還債100萬，豈料阿蛋不但未有感恩，生性做人，反而當父母及二哥是人肉提款機，但父母及二哥徹底失望，「我都幫佢還咗咁多債，好辛苦先起返身」。

提起這個不孝胞弟，二哥表示一直以來對他認識不多，只知他曾離婚，沒有子女，一直都不務正業，只表示做生意要周轉，屋企人由盡力幫他，到現在已經無能為力，胞弟數年前就已經失蹤，家人亦轉電話，希望與他劃清界線，胞兄更揚言即使阿蛋被捕，也不會替他保釋。

你敢爆，我敢獎！ 立即WhatsApp《蘋果》24小時爆相爆片熱線 或致電：63836568