當年今日
關於我們

【營救樂大媽】完事先出場 黃宗澤被樂易玲詐型﹕乜你咁遲㗎

蘋果日報 2017/03/14 19:22

劉心悠樂易玲黃宗澤吳卓義邵氏藝人簽約

黃宗澤(Bosco)、劉心悠、吳卓羲、王敏德、吳岱融和關菊英今日喺灣仔會展出席邵氏藝人簽約儀式暨網劇《飛虎極戰》發佈會兼簽約儀式,儀式後,現場上演一幕綁架案。
大台高層樂易玲被多名「恐怖份子」持械脋持住,被人用麻布袋由頭笠到落腳,仲被推跌落地,真係瞓身演出。雖然終獲扮演「飛虎」嘅王敏德等人成功營救,但「指揮官」Bosco好遲先出場,樂易玲即向Bosco撒嬌話:「乜你咁遲先嚟㗎!」Bosco笑笑口答:「阿媽,我係隊長嚟,負責指揮大局。」Bosco笑言得一分鐘換衫時間,真係連拉拉鍊都趕唔切。
除咗簽約邵氏,Bosco仲成立自己嘅工作室,但就話唔會簽吳卓義,佢解釋﹕「咁貴負擔唔到啦,佢賺好多㗎!而心悠就話今次簽約係講心唔講金﹕「係誠意,希望未來可以係電影方面多啲發展。」提到最近幫大台拍嘅《心宮計》,心悠透露自己好少拍通宵戲,即使兩組戲連住,要等到天亮先可以拍,劇組都會安排休息時間畀佢,靚女待遇真係唔同啲!

《蘋果》第十二屆金話梅電影選舉(Golden Plum)又嚟喇!由今日起,請在以下網址( http://campaign.appledaily.com/goldenplum2017 )投票,選出心目中的爛片之霸,截止日期係4月6日,賽果將於香港電影金像獎舉行前夕(4月8日)揭曉。