好多年前許冠傑去尼泊爾拍戲時患上高山症,雖然平安返港,但好多人覺得佢有後遺症,湯家驊喺西藏出院後,會唔會都有後遺症,影響公職呢?鄭醫生話如果只係有高山反應,病人適應當地環境,或者返回低地後就會冇事,若然係嚴重高山症,出現腦水腫令腦部缺氧令腦細胞死亡,咁就十分手尾長啦。
呢次湯家驊入住嘅西藏自治區人民醫院,位於布達拉宮東側,被評為三級甲等醫院、全國百佳醫院同「群眾滿意單位」,有500張床位,千幾個醫護工作人員,湯家驊大可放心休養。人望高處,從政嘅人都想上位,但上到去頂唔順,始終要退下來,呢幾日,湯家驊應該體會甚深。
mailto:
[email protected]