午飯過後的九龍城街市，越來越多人，當中包括導演杜琪峯。他以500元買了兩隻雞，豪言做節不會計較。

杜sir今日陪同妻子到街市買餸「做冬」，他是雞檔「玲姐」熟客，早前已經電話落訂。杜sir說：「年年都嚟幫襯，玲姐咁耐就買咗咁耐啦！熟客都要講定留幾多隻嘅，等人哋有個預算吖嘛！」他又指，做節的買餸錢不要計較：「百物騰貴，有得買咪買囉，冇得買都無謂買咁多，唔好製造廚餘。」而他買的兩隻雞，盛惠500多元。

至於今餐食乜餸？杜sir話，大約有20人一齊食，「都係香港人食乜我食乜啦！雞呀、魚呀、肉呀咁啦。」即使內地傳有豬瘟，他都無有怕「咁香港政府畀得人賣都冇事嘅，想死咩！」對政府投信任一票。

另外市民陸生陸太，一家幾口逛街市。今日是20年來最暖的「冬至」，不過他們都打算吃火鍋過節。陸太說：「買咗龍蝦、蟶子、帶子、本地牛等...邊爐要嘅都買晒，湯丸反而冇買，因為怕太飽。」她預算餸菜錢要幾千元，皆因侄兒由美國返港，一家團圓「過一個最暖冬至」。

街坊黃女士，買菜又買蛋，她指做冬之餘亦準備過聖誕，所以雞和魚已預先買好，「預算冇話幾多，鍾意就買。」

你敢爆，我敢獎！ 立即WhatsApp《蘋果》24小時爆相爆片熱線 或致電：63836568