【白色恐怖】畢業班相被P圖 學生抗爭手勢「五一」竟變「四二」
蘋果日報 2020/06/18 06:00
畢業照白色恐怖五一手勢
教育界近日瀰漫白色恐怖，中學畢業生就連在畢業照中做手勢支持「五大訴求」竟也被打壓。《蘋果》收到一群來自中華傳道會李賢堯紀念中學的畢業生投訴，指控有攝影師擅自修改畢業大合照，打壓學生言論自由。因不少學生拍畢業照時舉起寓意「五大訴求，缺一不可」的「五一」手勢，但攝影師竟「P圖」，至少把5名學生的「五一」手勢竄改成「四二」手勢，令五大訴求「消失」。有家長後來幾番追究攝影師及取回原圖，卻不得要領，對方更辯稱改圖「是學校的指示」，家長不禁批評學界失自由，「連一個手勢都容納唔到！」
記者:梁德聰
「影呢張相嘅每一動作，每一個表情，都係代表緊我哋自己嘅諗法，但係你依家係強行修改咗我哋嘅諗法囉！」C同學（化名）是應屆中六畢業生，她憶述畢業照拍攝當日時，全級超過110名畢業生商討後決定在影俗稱「Q版」的團體照時，幾乎全班舉起寓意「五大訴求，缺一不可」的「五一」手勢。然而在第一張「Q版」拍攝完畢後，卻遭攝影師阻止再次舉起「五一」手勢，「個攝影師見到之後呢，就開咪話 『同學！各位同學留意！老師話唔好做五同埋六個手勢喎，Iron Man都唔好做啦！』」其後在拍攝第二張「Q版」時，儘管有同學妥協改為做出「四二」手勢，但仍有同學堅持做出「五一」手勢，豈料拍攝後攝影師竟稱：「嗱，各位留意啦，唔緊要嘅，因為頭先都有同學做咗，你嗰隻手呢可能會同第二隻手換咗㗎喎！」
其後C同學在訂購前收到樣板相，不僅看見自己的手勢由「五一」被改圖改為「四二」，相片中更是連一個「五一」手勢都沒有，顯然已被人「P圖」（改圖）。C同學大感訝異，「咁當時的確係有同學做左『五一』呢個手勢去影呢張相，但係出到嚟張相係一個『五一』手勢嘅同學都無囉！ 」有同學在社交媒體上批評「連一個手勢都容納唔到」，惟因是一生人一次的畢業相，結果全級同學要無奈接受，「張相已經影咗，而且係我哋畢業相嚟，唔買又唔係，所以我哋全部都有訂到呢批相，加上決定要買張相嘅時間好緊絀，所以冇同學校爭論。」「我覺得真係好無奈囉！因為呢個回憶係屬於我哋㗎嘛！」
後來C的母親看見照片後亦感到十分怪異，詢問女兒下才知道照片被P圖，「嗰下我都好surprised，我就問：『吓？咁難度高㗎咩？』」C媽指女兒其實因為這件事感到十分不快。後來C媽前後三次嘗試致電學校詢問有關改圖及攝影師資料事宜，卻遭百般推搪，「我打電話去攞佢哋攝影公司嘅detail，聽電話嗰個係類似書記咁嘅校務處職員，佢係推得我好緊要，話：『呢樣我真係唔清楚喎！』呢樣嗰樣。」
C媽直斥學校不負責任，質疑學校教學生弄虛作假，「如果佢哋未投身社會，未升大學，你已經教佢哋造假，你學校用咩身份去同佢哋講道德觀念？點樣用一個教學嘅方法教佢哋正確嘅嘢呢？」C媽指應屆畢業生今年因疫情，畢業相已成他們畢業年唯一的回憶，對於P圖事件C媽認為完全不能接受，「成件事錯晒，我覺得完全係污點嚟，將佢哋今年僅餘嘅回憶就咁抹殺咗。」
《蘋果》同時收到由同學提供，全程攝錄當天畢業相拍攝過程的影片，確認當時有超過110學生及30名老師影大合照。影片中清晰可見當時全級大部份同學一度齊做出「五一」手勢，其後攝影師兩次開咪阻止同學做出「五一」手勢後，仍有一部份同學堅持做出該手勢。而本報翻查由同學提供之相片，當時有做出「五一」手勢的學生在相片中的手勢已全被「改動」，變成非「五一」手勢，有同學的手更出現六隻手指。至少有5名同學最後被改圖（見圖），而全級大部份學生一起做出「五一」手勢的相片亦消失不見。
後來記者與C媽一起致電負責拍攝班相的攝影公司傑誠數碼製作查詢有關P圖事宜，負責人梁先生承認相片是由他們負責拍攝，當記者問及是否有未修改原圖可供C媽退換時，梁先生堅稱：｢無原圖㗎喇已經！呢張已經係原圖嚟。」後來C媽明言手頭上有充分證據證明相片被P圖，梁才改口稱：「（改圖）係學校嘅指示嚟，我哋都係跟指示做嘢。」其言詞前後矛盾，如信口雌黃。梁先生當時辯稱，一般學校都會有指示禁止一些手勢如粗口手勢，但C媽反駁「五一」手勢非粗口手勢，並質問攝影師是否協助學校抹殺學生回憶時，梁只能不斷重複回應自己只是「跟order做嘢」。C媽聽到後怒斥攝影師做法沒有原則。本報亦曾經嘗試到學校了解P圖原因及情況，惟截稿前學校未有回應。
大律師李安然指，若畢業相被P圖竄改，相片賣家有可能違反合約精神，即是提供不合乎買家期望的商品，相片買家有權向賣家要求換貨或退款，如賣家拒絕，買家則有權向賣家提出民事訴訟。然而在班相攝影的情況下，由於學校可能會因替學生尋找攝影師，因而成為相片擁有人、即學生購相的直接賣家。故學生在此情況下如要追討原相，須釐清到底是攝影師還是學校才是交易中的直接賣家，然後才可向該賣家直接追討。
記者:梁德聰
「影呢張相嘅每一動作，每一個表情，都係代表緊我哋自己嘅諗法，但係你依家係強行修改咗我哋嘅諗法囉！」C同學（化名）是應屆中六畢業生，她憶述畢業照拍攝當日時，全級超過110名畢業生商討後決定在影俗稱「Q版」的團體照時，幾乎全班舉起寓意「五大訴求，缺一不可」的「五一」手勢。然而在第一張「Q版」拍攝完畢後，卻遭攝影師阻止再次舉起「五一」手勢，「個攝影師見到之後呢，就開咪話 『同學！各位同學留意！老師話唔好做五同埋六個手勢喎，Iron Man都唔好做啦！』」其後在拍攝第二張「Q版」時，儘管有同學妥協改為做出「四二」手勢，但仍有同學堅持做出「五一」手勢，豈料拍攝後攝影師竟稱：「嗱，各位留意啦，唔緊要嘅，因為頭先都有同學做咗，你嗰隻手呢可能會同第二隻手換咗㗎喎！」
其後C同學在訂購前收到樣板相，不僅看見自己的手勢由「五一」被改圖改為「四二」，相片中更是連一個「五一」手勢都沒有，顯然已被人「P圖」（改圖）。C同學大感訝異，「咁當時的確係有同學做左『五一』呢個手勢去影呢張相，但係出到嚟張相係一個『五一』手勢嘅同學都無囉！ 」有同學在社交媒體上批評「連一個手勢都容納唔到」，惟因是一生人一次的畢業相，結果全級同學要無奈接受，「張相已經影咗，而且係我哋畢業相嚟，唔買又唔係，所以我哋全部都有訂到呢批相，加上決定要買張相嘅時間好緊絀，所以冇同學校爭論。」「我覺得真係好無奈囉！因為呢個回憶係屬於我哋㗎嘛！」
後來C的母親看見照片後亦感到十分怪異，詢問女兒下才知道照片被P圖，「嗰下我都好surprised，我就問：『吓？咁難度高㗎咩？』」C媽指女兒其實因為這件事感到十分不快。後來C媽前後三次嘗試致電學校詢問有關改圖及攝影師資料事宜，卻遭百般推搪，「我打電話去攞佢哋攝影公司嘅detail，聽電話嗰個係類似書記咁嘅校務處職員，佢係推得我好緊要，話：『呢樣我真係唔清楚喎！』呢樣嗰樣。」
C媽直斥學校不負責任，質疑學校教學生弄虛作假，「如果佢哋未投身社會，未升大學，你已經教佢哋造假，你學校用咩身份去同佢哋講道德觀念？點樣用一個教學嘅方法教佢哋正確嘅嘢呢？」C媽指應屆畢業生今年因疫情，畢業相已成他們畢業年唯一的回憶，對於P圖事件C媽認為完全不能接受，「成件事錯晒，我覺得完全係污點嚟，將佢哋今年僅餘嘅回憶就咁抹殺咗。」
《蘋果》同時收到由同學提供，全程攝錄當天畢業相拍攝過程的影片，確認當時有超過110學生及30名老師影大合照。影片中清晰可見當時全級大部份同學一度齊做出「五一」手勢，其後攝影師兩次開咪阻止同學做出「五一」手勢後，仍有一部份同學堅持做出該手勢。而本報翻查由同學提供之相片，當時有做出「五一」手勢的學生在相片中的手勢已全被「改動」，變成非「五一」手勢，有同學的手更出現六隻手指。至少有5名同學最後被改圖（見圖），而全級大部份學生一起做出「五一」手勢的相片亦消失不見。
後來記者與C媽一起致電負責拍攝班相的攝影公司傑誠數碼製作查詢有關P圖事宜，負責人梁先生承認相片是由他們負責拍攝，當記者問及是否有未修改原圖可供C媽退換時，梁先生堅稱：｢無原圖㗎喇已經！呢張已經係原圖嚟。」後來C媽明言手頭上有充分證據證明相片被P圖，梁才改口稱：「（改圖）係學校嘅指示嚟，我哋都係跟指示做嘢。」其言詞前後矛盾，如信口雌黃。梁先生當時辯稱，一般學校都會有指示禁止一些手勢如粗口手勢，但C媽反駁「五一」手勢非粗口手勢，並質問攝影師是否協助學校抹殺學生回憶時，梁只能不斷重複回應自己只是「跟order做嘢」。C媽聽到後怒斥攝影師做法沒有原則。本報亦曾經嘗試到學校了解P圖原因及情況，惟截稿前學校未有回應。
大律師李安然指，若畢業相被P圖竄改，相片賣家有可能違反合約精神，即是提供不合乎買家期望的商品，相片買家有權向賣家要求換貨或退款，如賣家拒絕，買家則有權向賣家提出民事訴訟。然而在班相攝影的情況下，由於學校可能會因替學生尋找攝影師，因而成為相片擁有人、即學生購相的直接賣家。故學生在此情況下如要追討原相，須釐清到底是攝影師還是學校才是交易中的直接賣家，然後才可向該賣家直接追討。
-----------------------------
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新
-----------------------------
你敢爆，我敢獎！ 立即WhatsApp《蘋果》24小時爆相爆片熱線 或致電：63836568
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新
-----------------------------
你敢爆，我敢獎！ 立即WhatsApp《蘋果》24小時爆相爆片熱線 或致電：63836568
中華傳道會李賢堯紀念中學的應屆畢業生投訴，畢業照中多名學生的「五一」抗爭手勢遭人強行修改。梁德聰攝
C媽直斥學校容許攝影師在畢業照ｐ圖是不負責任，質疑學校教學生弄虛作假。梁德聰攝
雖然攝影師再三「勸說」，部份學生仍堅持做「五一」手勢（紅圈），但這些五一手勢後來竟在畢業照中失蹤。受訪者提供相片
部份學生投訴，他們拍攝畢業照時做的「五一」抗爭手勢，最後竟遭改圖變成「四二」手勢（圖），對此感到不滿及憤怒。受訪者提供相片
記者發現，有另一些班相的學生的手勢亦疑似被人Ｐ圖改動過。
大律師李安然指，若畢業相被P圖竄改，相片賣家有可能違反合約精神。資料圖片