唐詩詠同洪永城喺舊年5月同時於ig宣佈分手，嗰陣有傳因為佢哋婚期未有共識，成日為咗呢件事爭拗，最後兩人達成共識和平分手，但再見亦朋友。(新聞連結： http://bit.ly/2ErtMGr )

詩詠其後更被指背洪永城同洗米華愛將拍拖而分手，之不過嗰陣洪永城依然好維護前度，佢接受周刊訪問嘅時候，一力承擔所有問題，雖然有一個被稱為「不能錯過的女友」嘅女友，令佢承受咗唔少壓力，但係佢覺得呢個亦都係自己嘅福氣，佢仲直言自己會保護詩詠，因為仍然愛佢！(新聞連結： http://bit.ly/2qJc67u )

不過世事無絕對，洪永城喺舊年11月出席活動嘅時候，雖然曾經講過已經準備投入另一段戀情，只係對象仲未出現，但係今日有報道就話呢對分開咗大半年嘅戀人，似乎有復合嘅跡象，日前洪永城喺西貢嘅屋企出發，去咗北角會合詩詠，其間佢哋高度戒備，盡量避免俾人發現！

跟住佢哋各自揸自己架車，約咗喺太古坊食飯，點知發現有人跟蹤，最後詩詠直接揸車走人，得番洪永城一個人自己食。

更多娛聞，喺晒《娛果》
http://fb.com/appledailyent

【minigame】2017瘋暈人物 返工打機唔使擇日
http://bit.ly/2CeWQkP