截肢者失去腿部，影響一生。香港截肢者協會估計本港約有一萬名截肢者，馮耀偉因食肉菌感染，進行9次清創手術，心跳停頓3次，以為無法救活，最後去年切除左腳，馮太當時聽到醫生說，「你要有心理準備入院舍住，最好情況都要坐輪椅」，她沒有放棄，結果耀偉裝上義肢，現時50分鐘可行100米，旁人聽到這兩組數字，心裏可能難以置信，這卻是耀偉努力一年半的成果。
「佢係一生都好順利嘅人，呢個對佢而言係好大嘅挫折」，馮太與耀偉結婚近15年，感情甚好，「只想佢拖住我隻手行街市、行公園」。耀偉截肢後出現不少後遺症，出院時連舉手及說話都做不到，「又唔畀反應，你都唔知佢諗乜嘢」。馮太從協會接觸同是截肢者的副會長潘柏源，「佢講好多自己嘅經歷，當時佢受傷都好嚴重，佢畀我哋睇佢嘅相，講自己點樣慢慢康復，再企番起身」，她形容遇到同路人是面對逆境的轉捩點。

足球教練失左腳仍追夢

30歲的阿邦原本是足球教練，去年從十幾層樓墮下，最終需切斷左腳，「當初冇咗隻腳時好唔開心，直頭唔想做人，一路喊，一路怪責（自己），4、5個月都唔想起番身行」。他是用政府資助的義肢，惟設計不妥當令他出現「高低腳」，義肢偏向右邊，義肢駁帶更會不時鬆脫「吊吊揈」。他無法再教足球，雙親亦已退休，爸爸更曾患眼癌，原本是家庭支柱的他，現時卻只能靠綜援過活，「我好想重新投入社會，起碼返到工，照顧番屋企人」。
現時不能再成為足球教練，阿邦亦希望繼續發足球夢，「即使不能落場踢，旁邊望住小朋友踢波，都係一種樂趣」。朋友對他說「不會當你傷殘，會當你係普通人」，亦是他重新振作，圓夢的鼓勵。
■記者梁佩珊