今季新晉練馬師丁冠豪，周三（12日）再憑「喝采」勝出今季第20場頭馬，真不愧為超級新丁。

周日（16日）沙田日賽超級丁出馬四匹，當中「追風者」、「傲風雲」及「龍騰馬躍」，今朝（13日）都由騎師親自大圈考驗。

超級丁對「追風者」明顯較為緊張，此駒巴度策於草地1800米快跳，佢在烽火台天台用望遠鏡全程睇到實，並且快步趕返飛機坪接馬，捉住騎師問長問短，手勢多多。

「追風者」今季由楊明綸跑過兩場二班田草1200米，雖然都落敗而回，但輸得不遠，今次落三班增程跑尾場1400米賽事，隨時會有突破性演出。