阿仙奴禮拜四晚雖然喺歐霸盃最後一輪分組賽主場大勝巴迪6:0，但係兵工廠早就肯定首名晉級，領隊雲爺爺今場亦都繼續派邊緣球員上陣，結果阿聯酋球場今場嘅入座人數係出現歷史新低嘅數字。

雖然官方宣佈今場有54,648名球迷入場，但係《ESPN》報道指相信只係得少過30,000名球迷入場。如果係真嘅話，可以坐接近60,000球迷嘅阿聯酋球場，噚晚嘅入座率只係得唔夠五成，真係無陰功咯！

另一方面，阿仙奴領隊雲格賽後指中場韋舒亞真係已經準備好踢多啲波：「佢表現好好，動作好快，盤扭果斷，技術層面亦都無懈可擊，今場波有成70分鐘佢係完全控制中場㗎，呢個係好好嘅消息。」

--------------------
係你！打造星級球隊，征服各地聯賽！立即加入『BFB CHAMPIONS 2.0』！ http://bit.ly/2xrTKGM