角逐明晚（2日）沙田第五場三班1200米泥地的「香江穩勝」，可以話係一匹極具實力，但又非常失運嘅馬，在港出賽18次得7亞3季，入Q率極高，但卻從未贏過，今次再接再厲，練馬師蘇保羅又點睇呢？

蘇保羅指出，「香江穩勝」一早具備勇態，5歲馬穩定中有進步，而且泥、草皆合發揮，尤其泥地可跑高半班，實力仍未止境，可惜今季兩戰都喺同程泥地1200米屈居亞軍，皆是輸給「添好運」，雖然今次又再遇上「添好運」，但呢匹宿敵上仗只讓「香江穩勝」兩磅，今仗卻要讓九磅，未必讓得起，所以蘇保羅話有信心「香江穩勝」可以反先「添好運」，打開馬兒在港勝門。