由日本漫畫家神尾葉子創作嘅經典少女漫畫《花樣男子》，先後被翻拍成台劇、日劇、韓劇及大陸劇，早前傳出日本TBS電視台都想再次翻拍呢個故事，並安排喺明年4月檔期播出，會由人氣女星廣瀨鈴飾演杉菜，不過後嚟神尾葉子於Twitter回應話翻拍《花樣男子》傳聞唔係真嘅。

直至近日，有報道指電視台其實係拍攝《花樣男子》續集《花過天晴～花男Next Season～》真人版，並會由《無限之住人》女星杉咲花，同尊尼偶像平野紫耀主演。故事舞台設喺F4等人畢業後兩年，杉咲花飾演嘅女主角江戶川音，於經歷爸爸生意失敗，被逼喺英德學園返學，而今次故事冇咗F4，改為一個4男1女組成嘅五人組Collect，平野紫耀就會佢哋嘅首領神樂木晴，至於同神樂木晴敵對嘅馳天馬就會由中川大志演出。

更多娛聞，喺晒《娛果》
http://fb.com/appledailyent