黃又南最近跳入時尚界，推出自家潮流服飾品牌Numb Apparel，日前擔任生招牌到貨櫃碼頭及舊式大廈天台等地拍攝宣傳照，又南話品牌籌備咗一年，自己亦做咗唔少突破。

3月時Shine喺紅館舉行演唱會，當時又南狂操肌，練出14吋麒麟臂，之後要演一個血癌病人嘅角色，又地獄式減肥，一口氣減咗18磅，佢話：「我真係連續4、5日冇乜點食嘢，每日飲4至5杯齋啡，到真係頂唔順先食少少麥皮，幾日入面瘦咗7磅。」佢笑指啲相係地獄式減肥前拍嘅，當時膊頭闊到要着大碼Tee，o依家演完血癌病人角色，可以慢慢增肥，回復最佳狀態。

不過又南話絕對唔建議大家參考佢嘅「非人」減肥方法：「我都有自己嘅堅持。你付出幾多，冇人比你自己更清楚。」

精選娛聞，喺晒《娛果》
http://fb.com/appledailyent