今日黃貫中（阿Paul）喺微博話帶藏獒沙展剝牙，點知麻醉咗嘅沙展未剝牙已醒番，仲發出胡胡聲，連獸醫都畀沙展嘅強悍嚇倒，阿Paul形容自己當時一把搶過手術夾，一手將牙床都拉出來！

網友議論紛紛，不停喺微博向阿Paul發問——究竟係真定假？

難得阿Paul都有回答，有網民問：「據說藏獒生氣時會不認主人的，沙展怎麼樣？」阿Paul回覆：「沙展能嗅出和我有血緣的人，其他的人只要可疑，一定咬。」

有網民就話藏獒驍勇善戰，阿Paul就話：「而且能戰，專咬手腳和嘴，三角頭，非常重嘴又死口，而且不知痛，他用了七十分鐘，把酋長（阿Paul另一隻藏獒）征服，血流成河，但酋長令其他三隻也重傷了。這就是獅虎藏獒的可貴之處（有人稱藏獅或藏熊）那些天價大笨獒遇上這種長氣又耐熱的西南獒，多數只能捱咬。」

沙展身型睇落好巨大，阿Paul就話：「瘦。大概十百三十到一百四十斤吧。吃不多，好狗都信様，他為了想兄弟，可以十一天不吃。」

至於阿Paul話自己幫沙展「一手把牙床也拉出來」，其實係「反開佢個牙床，掹隻牙出嚟」，阿Paul受訪時亦有解釋番:「真係有隻牙爛了，但我沙展四分一時間就醒了，嚇死所有人！」原來係咁！

本報將狀況轉述獸醫提供專業意見，獸醫黎昌生表示：「麻醉藥只要份量啱，中血管就百發百中，無論你幾大隻動物，大笨象都一樣，估計係打唔中，先有呢個情況。而根據多年經驗，獸醫好少在客人前為狗隻麻醉。」

黎醫生擔心狗隻的牙齒應該損壞情況好嚴重，才會許可這樣做，他亦不建議狗主在此情況下自己為狗隻拔牙:「因為唔知道牙根有冇清除，或其他情況，建議及早為犬隻護理牙齒。」