身材fit爆嘅岑麗香，今日騷出香肩、纖腰同蕭正楠（Edwin）喺尖沙嘴出席聖誕活動，兩人首度拍檔出席活動，香香表示同黃翠如合作機會較多，反而未同Edwin合作過。

聖誕將至，加上本月18日就係同強強結婚一周年，香香計劃下廚慶祝，今年目標係焗火雞，問佢本身廚藝如何？佢話：「未係最好，有進步空間，不過加拿大喺聖誕有個習俗係翻炸炸雞，我已經整到好有心得，整得番原本咁好食。」

Edwin已經習慣大時大節喺工作中度過，幸好今年有兩、三個商戶邀請佢同翠如情侶檔出騷，所以可以藉工作見面。近日Edwin收到好消息，佢經營咗兩年嘅漢堡包店，最近有人洽談經營權開分店，佢正計劃開設食物工廠供貨，所以在工在私都忙，講到翠如可有下廚慰勞，Edwin無奈話：「我收好夜仲要煮畀佢食，好似初鳥等媽媽放嘢食入口，之前佢被人話煎蛋唔得，o依家我連蛋都無得食。」

更多娛聞，喺晒《娛果》
http://fb.com/appledailyent