鍾意睇一剔牌廣告嘅讀者，應該都會對當年巴西隊一眾球星喺機場show球技嘅廣告有啲印象，而轉眼間，呢個廣告都已經廿年。最近，一剔牌又為巴西喺世界盃前製作咗條廣告，而大師兄朗拿度仲粉墨登場，上演廿年前廣告嘅橋段添。

喺新廣告入面，大哨重演當年喺機場射中柱嘅一幕，都有當年九成嘅味道，除咗大哨嘅身型脹咗一個碼之外。講返呢段廣告，都有好似菲臘比古天奴、威利安、堤亞高施華等嘅畀一剔贊助嘅球星亮相，而主力尼馬就因可能養傷關係，未有真人出現喺廣告，不過都有好多畫面有佢。而廣告最後，仲有位身穿巴西球衣嘅小朋友，吶喊身穿巴西球衣應該無所畏懼，勇往直前，非常激動人心。就睇下今年森巴兵團可唔可以再創佳績。

--------------------<br />《體蘋果》陪你睇波講波<br /> https://www.fb.com/appledailysports <br />--------------------<br />王道日本足球手機遊戲《BFB CHAMPIONS 2.0》，日本國家隊實名登場！ http://bit.ly/2xrTKGM 

【大哨登場】 一剔牌巴西隊新廣告 翻炒廿年前舊橋？

【大哨登場】一剔牌巴西隊新廣告翻炒廿年前舊橋？