粉嶺華明邨，至今最少有8隻狗懷疑被毒殺。有狗主擔心狗狗誤食毒餌，放狗時不敢讓牠四處跑動，甚至減少出街的時間。

中午12時左右，粉嶺居民盧女士，拖住3歲柴犬「拉麵」在華明邨一個公園散步。她坦言，丈夫已吩咐她不要帶狗落街，但她不忍心「拉麵」悶在家中，於是落街走走，但也步步為營。「用狗帶拖住，唔敢鬆手呀！唔畀佢四圍聞，亂食嘢。以前行1個鐘，今日20分鐘就會返去。」

另外，街坊Tracy指，夜晚會多人放狗，對連串懷疑毒狗事件感到殘忍「希望有差人或者狗義工多啲巡吓」。而謝小姐亦有同感：「好殘忍，無啦拉咁樣害啲狗。」

你敢爆，我敢獎！ 即Call《蘋果》24小時爆相爆片熱線 ：63836568