87年港姐楊寶玲，當年力壓另一大熱李美鳳，成為雙料冠軍，翌年出戰世界小姐，更勇奪亞洲皇后，風頭一時無兩。

今年4月步入50歲嘅楊寶玲，演藝事業反而冇感情生活咁多花邊新聞。先後三嫁嘅佢，94年喺澳洲秘嫁音樂人陳容森，但二人婚姻只維持3年反目收場。離婚後，陳容森向傳媒大爆二人嘅閨房性事，指楊寶玲「冇家用便冇福利」外，仲透露楊寶玲一個禮拜起碼有十次性需要。(新聞連結： http://bit.ly/2hPIfoP )

02年，楊寶玲同美國賭場亞洲區總裁黃延年再婚，07年以40高齡誕下囝囝Nathan，嫁夫隨夫，自此楊寶玲定居美國。可惜二人最終婚姻收場。離婚後楊寶玲即套現前夫6,600萬物業揸手。

屢敗屢戰嘅楊寶玲，前年11月成功搵到第三春，同英籍初戀情人Gav結婚。二人婚後至今1年，有指帶住囝囝Nathan再嫁嘅楊寶玲，同前夫所生嘅兩個繼女，感情親密。喺近照中，楊寶玲依然保養得唔錯，點睇都唔似就快50歲。