唔經唔覺Snoopy《花生漫畫》已經面世咗65年，今年聖誕連香港一個商場都會趁機搞展覽活動，原來下年仲有一部3D電影《Peanuts》推出。

史諾比係預告片入面同一貫瞓係狗屋上面，臨近聖誕，佢發夢自己變成一個飛機師，坐住間狗屋飛上天，仲同一架真飛機，係巴黎艾菲爾鐵塔鬥快，但Snoopy好快夢醒，發現係南柯一夢！

故事並冇CharlieBrown現身，直至片尾佢手持兩盒爆谷走入戲院，遮檔觀眾銀幕之餘又將爆谷倒落自己個頭度，唔好講咁多，嗱嗱聲睇片！

電影故事係由《花生漫畫》原著作家CharlesM.Schulz嘅兩位仔仔Bryan同Craig創作，會係下年尾推出。