Twins蔡卓妍（阿Sa）同鍾欣潼（阿嬌）今年各自覓得另一半，不過要出埠工作，未能同男友共度拍拖後首個聖誕節，佢哋又抗拒男友跟出埠，Twins繼續相依過節，當然會交換禮物，佢哋話為揀都頭痛，阿嬌話：「佢乜都冇欠，咁多年買禮物諗到頭爆。」阿Sa好快提出訴求：「送樓送錢，送乜都開心，請我食誕大餐。」

阿Sa同阿嬌都話未有心水買乜送俾男友，阿Sa話：「要去行吓街先。」咁係咪會買衣物送「百億麻將館太子爺」石恆聰，畢竟佢都靚仔，阿Sa一聽男友被讚，佢即冧爆話：「唔好咁啦，讚壞晒，唔使成日提住嘅。」阿嬌男友賴弘國都唔弱，被封台灣「醫界王陽明」，阿嬌甜絲絲話：「佢畀人讚多，慣㗎啦，唔使成日讚，佢成日提住....好想死。」

Twins話唔會愛屋及烏送埋聖誕禮物畀對方男友？阿Sa話：「淨係諗佢嗰份都咁鬼難，我仲送畀祖兒、我阿爸阿媽，仲有同事，好唔簡單，我哋每年夾錢埋買超巿coupon送同事。」阿嬌即話：「咁我不如用Asia Miles換啦。」因為Twins經常出埠工作，估計儲埋唔少亞洲萬里通飛行里數，精明阿Sa又要教路：「你唔好嘥啲Asia Miles，啲coupon又唔係貴。」阿嬌再話：「咁慳得就慳嘛，我o依家好慳。我諗吓唔好花咁多錢，佢（男友賴弘國）叫我慳啲，佢叫我唔好亂花錢。」阿Sa反問：「Asia Miles都係錢。」

講到男友話題，阿嬌即話題多多，開心share同賴弘國日本濕平趣事：「好少可以喺日本買幾個電話貼都畀人話，係佢畀，佢話買咁多做乜啫，一個電話，我話佢『你想跌爛個芒？定跌爛個電話吖？』梗係芒貼，唔好解釋咁多，算啦！」阿嬌明寸暗讚男友，果然夠冧，臉上笑容都笑別到漏，佢話：「係咩？我食緊糖，所以我唔可以露咗粒糖出嚟。」身邊阿Sa忍唔住爆料：「有時傾偈都feel到佢好開心。」阿嬌以笑解圍：「你都好開心。」

阿Sa同阿嬌鬥開心，咁估佢哋邊個嫁先，阿嬌話：「唔知。」阿Sa也答：「唔知呀，點鬼知，下一秒都唔知發生咩事。」阿嬌再話：「嫁到就嫁，聽聞接咗花球，三年嫁唔出，我接咗兩次都係冇男友，就咁過咗六年。」Twins雖未有嫁期，但佢哋樂於享受此刻熱戀甜蜜。

場地：屯門貝爾特酒店－貝爾特酒廊
化妝：YannesLee@ndnco（蔡卓妍）、AndyLeung@ndnco（鍾欣潼）
髮型：Wil Tam@Fifth salon（鍾欣潼）

更多娛聞，喺晒《娛果》
http://fb.com/appledailyent

【聖誕搞邊科(6)】今年聖誕有著落 黃心美話要同男友靜靜過聖誕
http://bit.ly/2BqBIGW

【聖誕搞邊科(5)】伸手入聖誕老人下體 聶安達：費事破壞氣氛嗌非禮
http://bit.ly/2zgSyGx

【聖誕搞邊科(4)】毛冷雪人裝飾聖誕樹 周汶錡母子溫馨Kiss
http://bit.ly/2CWqF8P

【聖誕搞邊科(3)】短髮性感過長髮 心悠BB聖誕節冇人約？
http://bit.ly/2kVtfEJ

【聖誕搞邊科(2)】「釣金龜」要乎合三個條件？何傲兒嬲豬﹕我真係唔係睇錢
http://bit.ly/2kUkB9i

【聖誕搞邊科】天佑搵Miss Hunny學玩「波波」 又南首次施法即搞掂
http://bit.ly/2DmZV2a