香港人最鐘意去旅行，一邊玩，一邊鳩嗚，暑假呢一期最熱門當然係日本。但有無諗去伊朗，好老實，費清就從未諗過，直到早幾日同旅遊搜尋引擎Skyscanner既方芳聊天，先知道，近排唔少人已經蠢蠢欲動，想去伊朗玩番轉。

方芳話，自從國際社會最近積極討論撤除伊朗經濟制裁開始，越嚟越多人有興趣去伊朗探秘，好似上月26日到7月5日期間，經Skyscanner全球搜索往來伊朗航班的次數，較論討前急升三成。咁都唔算奇，奇在香港人搜尋次數，更飆升一倍，遠高於大巿。

無辦法，香港人為咗旅行、為咗鳩嗚，置生死於道外，呢啲咪叫冒險精神囉。咁伊朗有乜玩先？方芳話伊朗擁有好豐富歷史遺產、深厚既文化同攝人既自然風景，計有德黑蘭(Tehran)既大都市繁華豔麗、設拉子(Shiraz)既瑰麗壯觀花園、波斯波利斯(Persepolis)既聯合國世界文化遺產景點，以至伊斯法罕(Isfahan)既歷史建築。夠未？除咗人文遺產外，伊朗仲擁有位於裡海(CaspianSea)和波斯灣既靚人靚景海灘，同埋擁有逾5千公尺高山峰的迪贊(Dizin)同謝姆沙克(Shemshak)山區度假勝地。

講到咁，玩幾轉都得噃。點去先？方芳話，家唔少航班由香港飛到伊朗德黑蘭，計有中國南方航空、阿聯酋航空、阿提哈德航空，漢莎航空、卡塔爾航空、土耳其航空，當然要轉機啦，機票票價5,197港元起。又唔貴喎。值得考慮執行李去伊朗。

費清＃要生計，也要生活＃毋忘初衷