當年今日

電影電視都擔正
蒙嘉慧唔稀罕上位

蘋果日報 2002/09/29 00:00


蒙嘉慧加入無綫後,受到力捧,工作接踵而來,最近她憑劇集《烈火雄心II》而人氣急升,上位在望。而蒙嘉慧不論演電影和電視劇,都擔正做女主角,故她表示對上位毫無感覺。
事業篇:一帆風順
蒙嘉慧從模特兒晉身娛樂圈,初時以拍電影為主,加入無綫短短兩年半,已接拍了五套劇集,每次都演出重要角色,備受無綫重用,早前夥拍方中信拍攝的劇集《烈火雄心II》更收視高企。
蒙嘉慧對於獲得無綫如此厚待表示十分感激,但她否認現時是上位的好時機,她說:「公司畀好多機會我,但唔可以話係力捧或者上位,只要你得就有監製會用你,我亦冇諗過上位係乜,係咪做主角就叫上位呢?我由拍電影到𠵱家拍劇集都係主角,總之發展只可以稱得上順利啦。」

識到好友林保怡
蒙嘉慧反而覺得加入無綫後接拍的第一套劇集《新鮮人》對她的演藝事業有很大幫助,當時夥拍容祖兒和馮德倫,雖然大家都是初哥,但劇集播出後觀眾反應熱烈,她說:「拍完《新》之後就拍《妙手仁心II》,兩套劇收視都很好,喺《妙》劇中重識到好友林保怡,𠵱家大家嘅關係可以用好兄弟嚟形容。」
蒙嘉慧入行至今擔演的劇集都以時裝居多,而且斯斯文文,直至近期拍無綫劇集《衛斯理》才有機會轉變形象,一嘗做打女滋味。

做打女得償所願
原來蒙嘉慧一直渴望做打女,她說:「其實我知道做打女好辛苦,但唔介意試,因為覺得好有型,楊紫瓊係我最恨做嘅俠女。不過咁耐以嚟,我亦唔會刻意賣弄性感,上次接拍修身堂廣告已經係我嘅極限。」