當年今日
關於我們

朴敏英騷3吋事業線出席時裝騷 吳尊自認專一好男人

蘋果日報 2014/01/16 06:00

吳尊朴敏英

帥爸吳尊及韓星朴敏英今晚出席會展VivienneWestwood時裝騷,朴敏英身穿白色拖地晚裝,露3吋事業線示人,性感高貴,佢由6﹑7名工作人員傍住進場,與品牌嘅外籍高層合照及影埋獨照後,便急閃入場。

而吳尊就話冇見過朴敏英,今次來港逗留兩日,明天就走,問到係咪趕住返屋企因為掛住BB?佢話:「沒有,要工作嘛﹗(今午有冇買衫?)沒看童裝,可能賣完。(揀衫畀老婆?)這次沒有。」

吳尊經常與靚女合作,問到老婆會否呷醋?佢話:「要呷醋的話,七年前已呷醋。(好專一?)是的。」

問到農曆新年點過?吳尊就話:「放假返回汶萊。(名正言順派利是?)自己設計了紅包。(派幾多?)看我遇到多少人,但我會躲在家。」