【叻過姜濤】《全民造星》29歲嚴祺最快跑出做人夫 FB晒幸福婚照
蘋果日報 2019/09/16 17:35
嚴祺結婚全民造星
（facebook圖片）
去年有份參加ViuTV《全民造星》的嚴祺，雖然三甲不入，但就成為一班《造星》囝囝中最快跑出一個---最快做人夫。
現年29歲的嚴祺今日凌晨於facebook上載與太太結婚相，並留千字文多謝太太和擔任兄弟的《造星》好友陳卓賢（Ian）、何啟華（阿Dee）和阿神（曾贊學）。嚴祺表示婚宴過了一星期才post相，就是多謝所有朋友，他首先多謝太太說：「首先要多謝至高無上嘅太太，因為無佢就無呢個婚宴喇，雖然我哋喺籌備嘅整個過程入面不停嘈嘈嘈，但多謝你會仍然體諒我。We' re all travelling through time together, everyday of our lives. All we can do is do our best to relish this remarkable ride.」講到好兄弟阿Dee，嚴祺就表示：「我嗰朝斟茶同晚宴無你真係搞唔掂，他朝一日你結婚，如果你唔嫌我...兄弟直落MC 我嘅！」
《蘋果》致電嚴祺，說到他是《造星》最快一個結婚時，他表示：「係呀，我同太太衛威同年，大家拍拖兩年都有個共識，就係好希望30歲前結婚，咁婚禮都要籌備嘅，始終係人生大事，所以我哋舊年年底註冊之後，9月7日先至舉行婚禮。」嚴祺表示自己本身有市場業務工作，所以會繼續以freelance形式唱歌及擔任主持和MC工作。
《全民造星》阿神（左二）、阿Dee（左三）和Ian（右一）任嚴祺兄弟。（facebook圖片）
接新娘過關斬將。（facebook圖片）
一對新人甜蜜錫錫。（facebook圖片）
嚴祺與太太去年底已註冊。（facebook圖片）
嚴祺本月7日與太太衛威舉行婚宴。（facebook圖片）