當年今日
關於我們

伍靜麗露點行騷男友讚有型AnaR.情趣內衣冧老公

蘋果日報 2015/02/24 06:00

蘋果AnaR即時伍靜麗AngieNg情趣內衣

今晚一間Model公司喺灣仔辣蟹店食開年飯,同場慶祝Model伍靜麗(AngieNg)嘅正日生日,當然有生日蛋糕啦。

問Angie今日幾歲生日,佢就死都話係二十歲生日,實際係佢28歲生日啦...咁有冇同男友慶祝呀?佢話:「日日都可以,星期四先,著埋肚兜嚟慶祝。」咁有冇同男友講?佢話:「佢鐘意我著少啲布,又鐘意我平胸先同我一齊,特別鐘意我喺英國著性感嘅相,見到我行騷露點覺得我有型添。」咁有乜工作大計?佢話嚟緊會去英國發展,但經理人就要佢先學好普通話,因為佢本身喺大馬讀英文學校,中文講得唔係咁好。

AnaR.就話送咗古董首飾俾Angie做禮物,講到就嚟元宵,Ana話之前情人節同老公食飯,估計元宵都係,咁想有咩Surprise?Ana話想收花,佢自己就考慮著情趣內衣俾驚喜老公。