古巨基日前應邀拍攝位元堂靈芝孢子廣告,由於廣告以母子情為主題,令基仔勾起了不少回憶。基仔想起早前在內地拍劇長達半年,和家人聚少離多,他說:「有一日喺上海拍劇期間見到一件衫好啱媽咪,又適逢當日係母親節,見到街上好多人一家團聚就更加掛念媽咪,所以就即時買咗,之後即刻速遞畀媽咪。」
內疚感倍增
當時基仔還致電問候母親,其母只叮囑基仔小心保重身體,不用擔心他們,基仔表示聽後更感內疚,而一向感性的他更落下男兒淚。雖然現時基仔已回港再戰樂壇,但始終工作繁忙,所以根本沒有時間陪伴家人,基仔笑說:「希望嚟緊嘅母親節都可以抽空陪媽咪食飯啦!」
有專人調理
今次廣告為基仔帶來七位數字的收入,而贊助商對基仔寵愛有加,除贈他一世免費食用靈芝孢子,更會安排顧問為他調理身體。
此外,由於拍攝時採用了兩個場景,其間一輛救傷車突然駛抵其中一個拍攝場地,基仔說:「當時我重以為係我哋嘅工作人員出事,但之後先知原來係隔籬office有個阿伯唔舒服,我嗰日重同佢打過招呼,個心都唔係好舒服,希望佢會冇事啦!」
採訪:蔡如育