梁靖琪（Toby）與老公施雋賢、鍾麗淇、吳佩慈及蔣怡等人日前到中環出席香港女律師協會「同一月亮慈善晚會」。

剛宣佈懷孕的 Toby 身穿紅色晚裝及三吋高踭鞋赴宴，老公 Jon 與好姊妹 Margaret 全程化身「左右護法」傍實，宣佈佗 B 後首次出席公開活動的 Toby 表示健康狀態十分好，故身體力行支持慈善，為 BB 進行胎教：「依家習慣每個星期會同老公去教會，每晚都會祈禱，希望 BB 聽多啲我哋講嘢，帶佢做多啲慈善工作。今年因為要留喺香港安胎去唔到柬埔寨再做探訪，不過已報咗名下年再去，唔知到時會唔會帶埋小朋友去做義工呢？」問到老公可有對她穿高踭鞋有微言？Toby 笑言：「我老公非常煩，由我開始話要著高踭鞋之後，佢就上網係咁睇孕婦幾時唔著得高踭鞋，係咁叫我買過對鞋，所以今晚我行去邊，佢應該會跟我去邊，哈哈。」

9月2日起升級條件將更新 繼續每月撐壹仔 講真心話撐住我香港！