【緋聞表又多一人】向宇宙G.E.M.挑機？吳若希馮允謙被爆「同車」
蘋果日報 2015/12/15 06:00
蘋果香港汪明荃鄧紫棋鍾嘉欣九龍塘馮允謙吳若希祈福阿姐即時拜神娛樂眼淚的秘密實習天使宇宙G.E.M.省真善堂
吳若希被指同馮允謙「同車」，擺明同鄧紫棋（左圖）拗手瓜。（資料圖片）- 吳若希經常喺唔同場合同馮允謙拍住上。（資料圖片）
- 馮允謙同G.E.M.屢次被發現行孖咇。（資料圖片）
前晚喺大台頒獎禮憑《眼淚的秘密》捧走「最愛歡迎劇集歌曲」獎嘅吳若希，「成績」令唔少觀眾同網民大感愕然，佢講得獎感言時，仲疑似一次過寸阿姐汪明荃同死敵鍾嘉欣（新聞連結： http://bit.ly/1Us5Ipj ），個膽大到呢……但原來吳若希大膽嘅唔止呢一樣，今日有周刊話佢同「宇宙G.E.M.」鄧紫棋爭馮允謙！
今日有周刊指，吳若希喺入行初期，因為求紅心切，傳佢曾經試過去泰國求神改運，所以入行5年以嚟，一直緋聞不斷，緋聞男友至少14個，名單水蛇春咁長，包括溫家偉、黃子恒、吳業坤、會計師郭志燊及地產富豪「十哥」林棣權等等（新聞連結： http://bit.ly/1OsZgJO ），兩隻手都數唔晒！今次就輪到傳佢搭上馮允謙喇，報道仲話有跡可尋。
同係歌手嘅吳若希同馮允謙根本一早就識，平日有好多機會碰面同場，令佢哋友情「升溫」嘅，當然係因為一齊拍《實習天使》，周刊日前就影到吳若希出席完劇集嘅宣傳活動後，靜雞雞叫人揸定佢架波子名車嚟，等佢載埋馮允謙一齊走，馮允謙仲俾人見到佢揸住部DV偷拍吳若希。
佢哋兩個沿路行去停車場時仲一路有講有笑，吳若希乘機發功嗲男方，馮允謙相當受落，但當佢哋發現「同車」曝光後，女嘅尷尬，男嘅搵嘢遮面。之後吳若希車咗馮允謙去灣仔之後，兩人就散band各有各。
周刊又報道吳若希近日拜神，日前就被影到佢跟咗相信係佢爺爺同嫲嫲嘅長輩，去咗九龍塘省真善堂拜神祈福。
報道指因為吳若希近呢一年實在太黑，包括佢媽咪炒車重傷、公公婆婆喺兩個月內接連離世，又傳佢周旋喺有米大叔之間，令佢形象受損，遭唱片公司打入冷宮不特止，仲益咗死敵鍾嘉欣上位。
咁都唔止，靠把聲搵飯食嘅吳若希，喺年中發現喉嚨生繭，被逼停工休養，就連佢喺屋企同隻狗玩都可以俾狗抓傷，仲差啲破相，所以決定去拜神求轉好運咁話。
吳若希被目擊誠心誠意拜神，佢身旁疑似係佢爺爺嘅白頭老翁就一路稟神，佢哋留低大半個鐘就走咗。
今日有周刊指，吳若希喺入行初期，因為求紅心切，傳佢曾經試過去泰國求神改運，所以入行5年以嚟，一直緋聞不斷，緋聞男友至少14個，名單水蛇春咁長，包括溫家偉、黃子恒、吳業坤、會計師郭志燊及地產富豪「十哥」林棣權等等（新聞連結： http://bit.ly/1OsZgJO ），兩隻手都數唔晒！今次就輪到傳佢搭上馮允謙喇，報道仲話有跡可尋。
同係歌手嘅吳若希同馮允謙根本一早就識，平日有好多機會碰面同場，令佢哋友情「升溫」嘅，當然係因為一齊拍《實習天使》，周刊日前就影到吳若希出席完劇集嘅宣傳活動後，靜雞雞叫人揸定佢架波子名車嚟，等佢載埋馮允謙一齊走，馮允謙仲俾人見到佢揸住部DV偷拍吳若希。
佢哋兩個沿路行去停車場時仲一路有講有笑，吳若希乘機發功嗲男方，馮允謙相當受落，但當佢哋發現「同車」曝光後，女嘅尷尬，男嘅搵嘢遮面。之後吳若希車咗馮允謙去灣仔之後，兩人就散band各有各。
周刊又報道吳若希近日拜神，日前就被影到佢跟咗相信係佢爺爺同嫲嫲嘅長輩，去咗九龍塘省真善堂拜神祈福。
報道指因為吳若希近呢一年實在太黑，包括佢媽咪炒車重傷、公公婆婆喺兩個月內接連離世，又傳佢周旋喺有米大叔之間，令佢形象受損，遭唱片公司打入冷宮不特止，仲益咗死敵鍾嘉欣上位。
咁都唔止，靠把聲搵飯食嘅吳若希，喺年中發現喉嚨生繭，被逼停工休養，就連佢喺屋企同隻狗玩都可以俾狗抓傷，仲差啲破相，所以決定去拜神求轉好運咁話。
吳若希被目擊誠心誠意拜神，佢身旁疑似係佢爺爺嘅白頭老翁就一路稟神，佢哋留低大半個鐘就走咗。