【新增短片】

維園年宵開幕，多個政當攤位亦一一開幕，公民黨前主席余若薇、主席梁家傑等人亦現身維園，為該黨年宵攤檔作宣傳。余若薇展示她所寫的對聯，「點紅點綠燈亂閃；薯片奶媽誰被點」，暗諷被操控的特首選戰。

公民黨今年的年宵產品包括迷你紅綠燈，附送象徵特首候選人的貼紙，讓市民選擇誰人該有紅燈或綠燈， 梁家傑即場轉動印有幾名參選人頭像的轉盤，轉中葉劉淑儀為下屆特首，但他笑言:「都冇用，我哋有得揀咩？佢都唔夠票入閘啦。」

對於林鄭月娥稱參選是要防中央不委任的人當選，本身是法律界選委的梁家傑言論是林鄭繼自言是上帝叫她參選之後的「另一傑作」，講法極不適切，「我估講緊邊個梗係呼之欲出啦。第一係唔厚道，第二係有誤導嘅成份，好似講到傳聖旨，講到另一位前司長係中央唔願意委任。」

梁指，林鄭這番話是衝著曾俊華而來，不認為是代表中央的意思，「梗係唔係，如果係中央嘅意思，使唔使林鄭作為一個參選人去發佈呢一個訊息？聽講習主席係話想見到一個公平公正嘅選舉，所以我呼籲張曉明仍然為首嘅中聯辦唔好喺度蠱惑人心、欺上瞞下，搞呢啲動作只會更加令香港人不齒。」

他重申民主派不排除任何可能性，到提名期最後期才作決定，「 我好清楚表達咗一個訊息，香港人應該將3.26呢個選舉定性為一場對決，係西環治港同港人治港之間嘅角力，我哋唔可以俾西環贏。」至於誰代表西環治港，他說相信所有選委及香港人都好明白，「邊個係西環出面打電話箍票，叫人唔好捐錢畀另一個人，大家都心清眼亮。」

對於曾俊華指香港要休養生息，梁說香港在過去一段時間已經很厭倦日日忟憎、個個週末遊行的生活，需要一段休養生息時間。