當年今日
關於我們

譚杏藍拍拖9年相處愉快 唔介意同男友奉子成婚

蘋果日報 2021/06/19 16:05


譚杏藍(小花)有份投資的健身店今天開幕,一班好友包括李綺雯(𡃁妹)、「牛雜妹」李亦喬、羅詠怡與《造星III》的好友撐場。小花與男友ToNick主音趙善恆拍拖9年,早前恆仔接受陳志雲訪問時表示娶硬小花,小花笑說:「其實大家都講咗好耐,我哋一齊已經9年,大家相處得好好,陪住大家一齊長大,經歷過高低起跌,傾開心同唔開心嘅事,但係就冇傾結婚生仔,覺得未係時候,都係以事業為先,相信緣份。」問到會考慮奉子成婚?小花說:「突然降臨嘅話先進行,隨時註冊都冇所謂,一切隨緣。」
今次健身中心是小花跟4位股東合資在港開設的第二分店,同時在台灣也開店,她笑言當是衝出國際,她說:「我一直有想喺台灣發展嘅夢,而家歌唱同演藝事業未衝到,所以生意衝先。台灣嗰邊因為裝修緊,但疫情要停工,所以蝕緊租,不過做生意有賺有蝕,我相信決定係正確嘅,我真係好鍾意台灣,如果去當地發展都有地方做gym。」
另外,𡃁妹和健身教練男友拍拖撐場,非常恩愛。自嘲不嬲肥底的牛雜妹,自爆高峰期達140磅,現在要努力運動及注意飲食,保持身形,提到可考慮參加小花健身中心的減肥比賽,她笑說:「都想呀,希望有額外獎金,我好等錢使,疫情下工作少咗,我要努力養屋企人同自己,好大壓力。」提到屋企的麵店早前因欠租差點要結業,她說:「而家都繼續做緊,哥哥開始接手,慢慢轉型。」她又提到現在也同時在ViuTV及無綫參與拍攝綜藝節目與劇集,因她是自由身,而大台亦支持新人,所以未有因此而小器不起用她。
empty
小花跟4位股東合資的健身中心,今日開設第二分店。
empty
小花一班好友如「牛雜妹」李亦喬、羅詠怡與《造星III》均有到場支持。
empty
小花指與恆仔一起已9年,雖然相處得好好,但就沒有傾過結婚生仔。
empty
李綺雯和健身教練男友拍拖到場。
empty
李綺雯身型fit爆。
empty
牛雜妹因要保持身形,故要努力運動及注意飲食。
-----------------------------
蘋果App大升級 更簡潔更就手!了解更多立即下載體驗