巿民劉先生昨午接獲網友提示,指在晉科中心附近單車路上貼滿了他的照片,至少10多張;劉聞言大驚,即時駕單車到現場求證,並致電報警,「張相嘅背景係晉科,嗰晚入境處採取風沙行動,嗰時我影佢哋,佢哋又影番我」。劉先生指,警方半小後到場,發現3張海報,即時撕走,「家貼嗰啲地方全部都係水貨客必經之路,佢哋絡繹不絕,個個都睇到,你話我擔唔擔心吖?絕對擔心自己嘅人身安全」。他引述警方指,未能採取進一步行動,「佢話唔構成刑事,家乜都做唔到,只可以話係滋擾,叫我有咩再報警。」入境處聯同警方周一進行第13次「風沙行動」,大舉掃蕩東鐵車站,以及被視為水貨客大本營之一的晉科中心。當時有內地水貨客公然指摘執法人員,亦有人明目張膽假扮記者,攝錄入境處官員樣貌。警方表示事件不涉刑事成份,列作投訴滋擾案處理。