噚日政府就宣佈香港電視不獲發牌照,而今日香港電視亦宣佈要裁員,320位員工飯碗不保。
唔少藝人睇到消息後都慨嘆,而0依家係無綫藝人嘅黃翠如,都好關心呢件事,佢今晨就喺微博發聲: 「願我們電視從業員,人人有工做。」 翠如BB講得好﹗相信呢個係港視員工心聲。
至於香港電視藝人黃日華,喺港視未宣佈裁員前,今晨五點幾佢更新微博,睇嚟佢都冇乜點瞓,黃日華留言話:「各位HKTV同事們,革命未克成功,你我有著同樣的心情!但請不要氣餒,繼續努力裝備好自己!我堅信沒有永遠的黑暗、否極終會泰來,祝願大家有美好的明天!PS:請記住,我們曾是最強的團隊!互勉!LoveUAll!」